| mán 16. september 2019 10:02 |
|
Lið vikunnar í enska - Fimm lið með tvo fulltrúa
Garth Crooks, sérfræðingur BBC, er búinn að henda upp úrvalsliði helgarinnar í ensku úrvalsdeildini. Liverpool, Manchester United, Tottenham, Chelsea og Norwich eiga öll tvo fulltrúa í liðinu eftir sterka sigra um helgina.
David De Gea (Manchester United) - Varði frábærlega frá James Maddison undir lokin í sigri gegn Leicester.
Serge Aurier (Tottenham) - Kom með fullt af hættulegum fyrirgjöfum gegn Crystal Palace.
Fikayo Tomori (Chelsea) - Varnarmaðurinn ungi skoraði stórkostlegt mark gegn Wolves.
Harry Maguire (Manchester United) - Var eins og klettur í vörninni gegn gömlu félögunum í Leicester.
Andy Robertson (Liverpool) - Var í stuði gegn Newcastle og átti stóran þátt í fyrra marki Sadio Mane.
Moussa Djenepo (Southampton) - Skoraði eftir magnað einstaklingsframtak í sigrinum á Brighton. Ótrúlegt mark!
Emiliano Buendia (Norwich) - Kostaði 1,5 milljón punda þegar hann kom frá Getafe. Þvílík kaup. Var frábær í sigrinum á Manchester City.
Todd Cantwell (Norwich) - Skoraði og var allt í öllu í sigri Norwich á Manchester City.
Tammy Abraham (Chelsea) - Skoraði fjögur gegn Úlfunum, þar af þrjú í rétt mark!
Sadio Mane (Liverpool) - Hjálpaði Liverpool að snúa taflinu við gegn Newcastle með tveimur mörkum
Son Heung-min (Tottenham) - Skoraði tvö gegn Crystal Palace og var í miklu stuði.
Athugasemdir
Nýjustu fréttirnar
