Í byrjun sumars var hann að spila mikið en hann missti sæti sitt í júní eftir bikarleik gegn Brumunddal sem Vålerenga vann 4-3. Stuðningsmenn voru mjög ósáttir við hann eftir þann leik. Síðan þá hefur Brynjar mestmegnis leikið með varaliðinu og aðeins fengið tíu mínútur með aðalliðinu.

„Það hefur verið erfitt fyrir Brynjar undanfarið," sagði Arnar Þór Viðarsson, landsliðsþjálfari, á fréttamannafundi í dag.

„Þetta er líka hluti af því að læra sem atvinnumaður og verða betri sem leikmaður. Hann skaust inn í landsliðið hratt og stóð sig rosalega vel. Þetta gerðist allt rosalega hratt fyrir hann. Leiðin upp á topp er aldrei bein upp á við. Það eru alltaf einhverjar holur. Brynjar þarf að takast á við það núna. Hann þarf að komast inn í liðið hjá sínu félagsliði sem fyrst."

Tweet

Senda a Facebook Hafdu samband Senda frétt Prenta frétt Frétta leit