Fótbolti.net

Haraldur Freyr: Leikurinn spilast eins og við vildum

Höskuldur: Fannst þeir ofan á í grunnatriðum leiksins

Sami Kamel: Þurftum bara að beisla þessa jákvæðu orku

Dóri Árna: Ótrúlega andlaust og ekki líkt liðinu sem ég þekki

Hallgrímur Jónasson: Við stöndum saman sem lið

Árni Freyr: Mér fannst þetta vera víti

Breki Baldurs: Ég er mjög hrifinn af þessu kerfi

Arnar Gunnlaugs: Ótrúlegasta mark sem ég hef séð á þessum velli

Sveinn Þór: Ég held að við höfum aðeins sjokkerað þá pínulítið

Baldvin Borgars: Virkilega sáttur með frammistöðuna hjá mínum mönnum

Rúnar Kristins: Þeir lögðu mikla vinnu í þetta og veittu okkur mjög erfiðan leik

Jökull: Pirrandi leikur

Hetja HK kíkir ekkert niður í bæ: Ekkert mikið að gera þar miðað við í London

Hrannar Bogi eftir hetjulega frammistöðu Augnabliks: Við nálgumst leiki alltaf alveg eins

Fékk afmælisgjöf fyrir leikinn: Ég fékk Þróttaratrefil og nokkrar Stellur

Nýir tímar í Laugardalnum - „Finnst bara tilvalið að með því fylgi nýtt merki“

Haukur Páll: Ekki spurning um að koma mönnum fyrir

Heimir Guðjóns: Hefði verið gult spjald í fyrra

Gylfi Þór: Skrítið að spila gegn liði sem ég var hjá í 10 ár

Úlli: Fékk held ég nóg af liðsfélögum sínum

lau 16. október 2021 17:16

Brynjar Ingi Erluson

Ísak Snær: Ætlum að koma hingað á næsta ári og taka dolluna heim

Ísak Snær í leiknum í dag

Mynd: Fótbolti.net - Hafliði Breiðfjörð

Ísak Snær Þorvaldsson, leikmaður ÍA, var svekktur eftir 3-0 tapið gegn Víkingum í bikarúrslitaleiknum á Laugardalsvelli í dag en segist staðráðinn í því að taka dolluna heim á Akranes á næsta ári.

Lestu um leikinn: ÍA 0 - 3 Víkingur R.

Ísak hefur átt gott tímabil með ÍA en hann er á láni frá enska úrvalsdeildarfélaginu Norwich City.

Hann var einnig á láni hjá ÍA seinni hluta síðasta tímabils og líður vel á Akranesi.

Miðjumaðurinn sterki vildi ekki fullyrða það að hann yrði áfram hjá ÍA en talaði þó þannig. Hann vill dolluna heim á næsta ári.

„Ég veit það ekki. Maður fer ekki í úrslitaleik til að tapa, maður fer í hann til að vinna. Þetta var ekki okkar dagur og mér finnst við ekkert svakalega góðir. Þeir tóku færin sem þeir fengu og ekki við," sagði Ísak.

Hann var sérstaklega ánægður með stuðninginn en Skagamenn voru enn syngjandi eftir leikslok.

„Það var geggjað. Eins og þú heyrir þá eru þeir enn syngjandi þó við höfum tapað. Við ætlum okkur að koma hingað aftur á næsta ári og taka dolluna heim."

Ísak heldur erlendis á morgun og á eftir að ræða málin við Norwich en hann gat ekki fullyrt neitt um framtíðina.

„Ég veit það ekki. Ég skoða stöðuna og kemur í ljós hvað gerist. Ég er ekkert búinn að heyra í þeim eins og er. Sjáum hvað gerist núna þegar tímabilið er búið. Ég fer út á morgun og þá sjáum við hvað gerist," sagði hann í lokin.