FH bauðst að fá danska leikmanninn Mikkel Qvist frá Breiðabliki fyrir gluggalok en Sæbjörn Steinke sagði frá þessu í útvarpsþættinum Fótbolti.net á laugardag.
Glugginn lokaði á miðvikudaginn í síðustu viku en FH-ingar höfðu verið að leitast eftir því að styrkja hópinn.
Blikar buðu FH-ingum að fá Qvist undir lok gluggans en það náði ekki lengra en það.
Qvist kom til Breiðabliks frá KA eftir síðasta tímabil en hann spilaði sinn fyrsta leik í Bestu deildinni í gær þegar hann kom inná sem varamaður í uppbótartíma í 3-0 sigrinum á Víkingi.
„Ég heyrði sögur af Mikkel Qvist í gær að þeir hafi smellt á offer to clubs í FM (Football Manager) og reynt að selja FH hann, en ekkert varð af því greinilega" sagði Sæbjörn.
„Neinei, hann er ennþá þarna og verður áfram á bekknum þarna," svaraði Elvar Geir Magnússon.
Athugasemdir