Fabrice Hawkins, mikilsvirtur fréttamaður hjá RMC í Frakklandi, greinir frá því að Kylian Mbappé þurfi ekki að fara í aðgerð á nefi.
Mbappé nefbrotnaði í 1-0 sigri Frakklands gegn Austurríki fyrr í kvöld og var talið að hann þyrfti að fara í aðgerð á háskólasjúkrahúsinu í Düsseldorf.
Eftir nánari athugun er komið í ljós að Mbappé þarf ekki aðgerð og mun líklega getað tekið þátt í næsta leik Frakklands sem fer fram á föstudagskvöldið. Þar eiga Frakkar stórleik gegn Hollandi í toppbaráttu D-riðils.
Þetta eru frábærar fréttir fyrir Didier Deschamps og alla frönsku þjóðina, enda er Mbappé einn af allra bestu leikmönnum heims um þessar mundir.
17.06.2024 22:40
Deschamps: Nefbrotið er mikill skellur
Athugasemdir
