Þröstur Mikael Jónasson, leikmaður Dalvíkur/Reynis er Jako Sport leikmaður 21. umferðar í 3. deild karla að mati Ástríðunnar. Þröstur skoraði tvö mörk í 3-2 sigri liðsins í toppslagnum gegn KFG.
„Ég get ekki verið ósammála því þegar þú skorar tvö mörk í toppslagnum sem tryggir liðinu þínu upp um deild og ert líka með yfirburði á vellinum," sagði Gylfi Tryggvason.
„Hann á þessa nafnbót fyrir þennan leik og sömuleiðis fyrir allt tímabilið þó við séum ekki að velja um það núna. Hann á ótrúlega mikið hrós skilið fyrir sinn leik í allt sumar. Hann er búinn að vera svissneskur vasahnífur að leysa allar stöður sem vantar og alltaf geggjaður," sagði Sverrir Mar.
„Skorar alltaf sín mikilvægu mörk inn á milli. Búinn að skora 10 mörk, ekkert úr sóknarstöðu. Búinn að spila bakvörð, miðju og miðvörð nánast í allt sumar."
Hægt er að hlusta á Ástríðuna hér að neðan og í öllum hlaðvarpsveitum.