Andri Lucas skoraði eina mark leiksins
Andri Lucas Guðjohnsen var hetja Lyngby sem vann Hvidovre, 1-0, í dönsku úrvalsdeildinni í dag, en þetta er besta byrjun Lyngby í efstu deild í 20 ár.
Íslenska U21 árs landsliðsmaðurinn skoraði eina mark leiksins á 59. mínútu leiksins er hann nýtti frákast við vítateigslínuna.
Þetta var annað mark Andra fyrir Lyngby en hann er á láni hjá félaginu frá Norrköping.
Andri, Kolbeinn Birgir Finnsson og Sævar Atli Magnússon spiluðu allan leikinn fyrir Lyngby sem fagnar bestu byrjun sinni í efstu deild í 20 ár.
Gylfi Þór Sigurðsson var ekki í hópnum hjá Lyngby en hann er enn að koma sér af stað eftir að hafa ekki æft né spilað fótbolta í tvö ár.
Lyngby er í 6. sæti dönsku úrvalsdeildarinnar með 11 stig eftir fyrstu átta leikina.
Mikael Neville Anderson var í byrjunarliði AGF í 3-0 tapi gegn Bröndby. Mikael fór af velli þegar fimmtán mínútur voru eftir af leiknum en AGF er í 5. sæti með 12 stig.
BEDSTE KONGEBLÅ SUPERLIGASTART I 20 ÅR ????
— Lyngby Boldklub (@LyngbyBoldklub) September 17, 2023
Andri Gudjohnsen blev matchvinder, da De Kongeblå her til eftermiddag tog en vigtig 1-0-sejr over Hvidovre på udebane ????
Sejren bragte Lyngby Boldklub op på 11 point for otte kampe, og en så god kongeblå start på Superliga-sæsonen er… pic.twitter.com/cwHG3OkYMp
Athugasemdir
