Manchester City hlaut nafnbótina Knattspyrnufélag ársins á verðlaunaafhendingu Gullknattarins í kvöld.
Karim Benzema fékk Gullknöttinn og var Kevin De Bruyne hæst skrifaði leikmaður Man City á listanum. Hann endaði í þriðja sæti, eftir Sadio Mane og Benzema.
Áður en Benzema fékk aðalverðlaun kvöldsins voru ýmis smærri verðlaun veitt. Thibaut Courtois fékk Lev Yashin verðlaunin fyrir að vera besti markvörðurinn, Robert Lewandowski fékk Gerd Müller verðlaunin fyrir að vera besti sóknarmaðurinn og þá fékk Manchester City einnig sín verðlaun.
Man City vann ensku úrvalsdeildina eftir harða titilbaráttu við Liverpool. City vann engan annan titil á síðustu leiktíð en tapaði í undanúrslitum FA bikarsins og undanúrslitum Meistaradeildarinnar.
Manchester City is the club of the year!
— Ballon d'Or #ballondor (@francefootball) October 17, 2022
Congrats @ManCity 💙#clubdelannée #ballondor pic.twitter.com/Xy7rFOiAka