Ítrekar að Björgólfur sé ekki á förum
Magnús Gylfason var sáttur með sína menn enda Valsliðið mun betra en andstæðingar sínir í kvöld.
Valsmenn eru komnir í undanúrslit Lengjubikarsins eftir sannfærandi sigur gegn Fylki í 8-liða úrslitum í kvöld. Leikurinn endaði 2-0.
Lestu um leikinn: Valur 2 - 0 Fylkir
„Ég var mjög ánægður með mína menn. Við vorum mjög sannfærandi og gáfum fá færi á okkur og vorum sífellt ógnandi. Menn héldu skipulaginu," sagði Magnús Gylfason, þjálfari Vals.
Magnús Már Lúðvíksson hefur verið að spila í miðverðinum í síðustu leikjum en hann er vanur því að leika sem bakvörður. Verður Maggi Lú notaður sem miðvörður í sumar?
„Það verður að koma í ljós. Hann hefur verið að standa sig frábærlega í þessari stöðu. Ég var mjög sáttur við hann í dag. Nesta á í meiðslum og Jónas hefur verið að standa sig vel í hægri bakverðinum. Við verðum bara að sjá til."
Phil Bannister, enskur sóknarmaður, æfir með Val þessa dagana.
„Hann kom á mánudaginn og hefur æft með okkur og spilað einn æfingaleik. Þetta á eftir að koma í ljós."
Kjaftasögur hafa verið í gangi um að Björgólfur Takefusa sé á förum frá Val. Hann var á bekknum nánast allan leikinn í dag.
„Það er engin tenging þar á milli. Björgólfur er ekki á förum. Bjöggi var mjög góður í síðasta leik. Það er bara þétt leikið. Kolbeinn (Kárason) hefur verið að standa sig frábærlega líka, Ég var ánægður með liðið mitt í dag. Bjöggi spilaði lítið í dag en vonandi meira á mánudaginn."
Viðtalið við Magnús Gylfason má sjá í heild sinni í sjónvarpinu hér að ofan.
Athugasemdir
