Það er óvíst hvort Ferlan Mendy verði með Real Madrid sem mætir Chelsea þann 27. apríl í Meistaradeildinni.
Mendy er afar mikilvægur hlekkur í vörn Real en þessi 25 ára gamli leikmaður er að glíma við smávægileg meiðsli í kálfa.
Real gaf út tilkynningu í gær þar sem greint var frá því að félagið myndi fylgjast vel með gangi mála Mendy sem spilar í vinstri bakverði.
Frakkinn verður frá í um tíu daga en níu dagar eru í að Real spili við Chelsea í undanúrslitum Meistaradeildarinnar.
Mendy verður ekki með Real sem spilar við Getafe í mikilvægum deildarleik í kvöld.
Athugasemdir
