Bellerin gerði eins árs lánssamning við Betis í ágúst á síðasta ári og hjálpaði liðinu að vinna spænska konungsbikarinn og koma liðinu í Evrópudeildina.

Bakvörðurinn sagði á dögunum að hann vildi ólmur vera áfram hjá Betis en það verður líklega ekkert úr því.

„Hector er frábær leikmaður afar góð manneskja. Við fengum hann á láni frá Arsenal og nú snýr hann aftur þangað. Við sjáum svo til hvað gerist."

„Það er rétt að hann hefur tilfinningaleg tengsl við allt sem við kemur Betis og svo eru foreldrar hans miklir stuðningsmenn félagsins. Vonandi liggja leiðir okkar saman í framtíðinni," sagði Angel Haro, forseti Betis.