Álfhildur þurfti að yfirgefa leikinn í sjúkrabíl. Hún meiddist á öxl og virkaði sárþjáð er hún yfirgaf Laugardalinn.

Nik Chamberlain, þjálfari Þróttar, var spurður út í meiðslin eftir síðasta leik gegn ÍBV.

„Hún þarf að hitta sérfræðing en það gerist ekki fyrr en í næstu viku. Allir læknarnir hérna fara í frí á sumrin og það hjálpar okkur ekki," sagði Nik.

„Þetta lítur ekki vel út. Hún verður klárlega frá í nokkrar vikur og getur mögulega náð einhverjum leikjum í lok tímabilsins. Við verðum að sjá hvað sérfræðingurinn segir."

Það er vonandi að Álfhildur jafni sig fljótt og vel, en þetta er svekkjandi niðurstaða fyrir Þróttara sem leyfa sér enn að dreyma um að ná öðru sæti deildarinnar - Meistaradeildarsæti.