Chelsea er nálægt því að krækja í Christoph Freund sem yfirmann fótboltamála hjá sér.
Freund hefur verið íþróttastjóri hjá RB Salzburg undanfarin ár og starfað þar við frábæran orðstír. Hann er maðurinn á bakvið kaup á leikmönnum á borð við Erling Haaland, Sadio Mane, Naby Keita og Dayot Upamecano sem notuðu allir Salzburg sem stökkpall.
Fabrizio Romano greinir frá þessu. Hann segir að Freund sé búinn að ræða við Salzburg um starfstilboðið og að hann sé tilbúinn til að færa sig um set.
Freund mun starfa samhliða Graham Potter sem var ráðinn sem nýr knattspyrnustjóri á dögunum eftir að Thomas Tuchel var rekinn.
Athugasemdir