Draxler á 58 landsleiki að baki fyrir þýskaland.

Mynd: Getty Images

Hann mun þó hvorki leika með Anthony Modeste og félögum í Al-Ahly í Egyptalandi né með Roberto Firmino, Riyad Mahrez og félögum í Al-Ahli í Sádí-Arabíu.

Í katarska Al Ahli verður Draxler langstærsta stjarnan, en félagið endaði í áttunda sæti katörsku deildarinnar á síðustu leiktíð.

Draxler, sem verður þrítugur á næstu dögum, hefur verið samningsbundinn PSG síðan í janúar 2017 og er búist við að hann hafi fengið risasamning frá Al Ahli.

Draxler gerir tveggja ára samning við félagið en hann lék á láni hjá Benfica á síðustu leiktíð, þar sem hann skoraði tvö mörk í átján leikjum.

Hann kom í heildina að 67 mörkum í 198 leikjum á fimm og hálfu ári í París.

Al Ahli er sagt greiða um 20 milljónir evra fyrir Draxler, sem er mjög mikill peningur í ljósi þess að hann er metinn á 6 milljónir á vefsíðu transfermarkt.