Nuneaton Borough í sjöundu efstu deild Englands fékk vítaspyrnu í leik gegn Stratford Town á laugardag. Það kom stuðningsmönnum mjög á óvart að sjá markvörð liðsins fara á vítapunktinn.
Staðan var enn 0-0 þegar markvörðurinn Tony Breeden setti boltann niður á punktinn til að taka vítaspyrnuna.
Vítaspyrnan var vægast sagt hörmuleg. Boltinn endaði upp í stúku og lenti þar í ljósi. Festingarnar sem héldu ljósinu uppi losnuðu, en afleiðingarnar má sjá í myndbandinu hér að neðan.
Sem betur fer fyrir Breeden þá vann Nuneaton leikinn þrátt fyrir vítaspyrnuklúðrið. Leikurinn endaði 2-0.
Nuneaton fékk aðra vítaspyrnu stuttu eftir klúðrið og skiljanlega fékk Breeden ekki annað tækifæri.
Myndband má sjá hér að neðan.
Yes lads got the best view😂😂 pic.twitter.com/KGKNdBvBps
— Joe Vernon🍋 (@joevernon_) November 16, 2019
— Tony Breeden (@Breedstar13) November 16, 2019
Athugasemdir