19.01.23 - 14:10
Sæbjörn Þór Þórbergsson Steinke
Bailly í sjö leikja bann
Mynd: EPA
Mynd: EPA
Eric Bailly hefur verið úrskurðaður í sjö leikja bann af franska sambandinu, eða svo segir franski miðillinn La Provence. Bailly er á láni hjá Marseille frá Manchester United.
Bannið fær Bailly fyrir karatespark í leikmann Hyeres FC í franska bikarnum um þarsíðustu helgi. Bailly fékk rauða spjaldið eftir aðeins fimmtán mínútna leik. Boltinn skoppaði og var Almike Moussa N'Diaye á undan Bailly í boltann.
Bannið fær Bailly fyrir karatespark í leikmann Hyeres FC í franska bikarnum um þarsíðustu helgi. Bailly fékk rauða spjaldið eftir aðeins fimmtán mínútna leik. Boltinn skoppaði og var Almike Moussa N'Diaye á undan Bailly í boltann.
Hyerers er í fjórðu deild í Frakklandi og er leikmaðurinn með brotin rifbein eftir sparkið frá Bailly og finnur fyrir bæði sársauka í lunga og lifur. Bailly heimsótti N'Diaye á sjúkrahús og bað hann afsökunar á brotinu. N'Diaye er nú útskrifaður af sjúkrahúsi en verður frá í nokkra mánuði.
Hinn 28 ára gamli Bailly hefur spilað 11 leiki með Marseille á tímabilinu, sex í deild og fimm í Meistaradeild. Hann er þegar búinn að taka út tvo leiki af banninu.
Hinn 28 ára gamli Bailly hefur spilað 11 leiki með Marseille á tímabilinu, sex í deild og fimm í Meistaradeild. Hann er þegar búinn að taka út tvo leiki af banninu.
Take a bow, Eric Bailly ???? What was he even thinking ???? pic.twitter.com/scLt5RH55J
— Quentin Gesp (@quentin_gesp) January 7, 2023
