Hull mun fá um 13,5 milljónir punda því Villa var með 30% endursöluákvæði í samkomulaginu sem gert var í september á síðasta ári.

Það er nóg að gera á skrifstofu Aston Villa en félagið er nálægt því að krækja í miðjumanninn Amadou Onana frá Everton fyrir 50 milljónir punda.

Villa spilar í Meistaradeildinni á komandi tímabili eftir að hafa endað í fjórða sæti á síðasta tímabili.

Philogene lék sex leiki, aðeins einn sem byrjunarliðsmaður, eftir að hann kom í gegnum akademíu Villa og átti lánsdvalir hjá Stoke City og Cardiff. Hann skoraði 12 mörk í 32 leikjum fyrir Hull sem endaði í sjöunda sæti Championship-deildarinnar.

Áður hafði Villa fengið Enzo Barrenechea og Samuel Iling-Junior frá Juventus, Ross Barkley frá Luton Town og vængmanninn Lewis Dobbin frá Everton.

Douglas Luiz var seldur til Juventus fyrir 42 milljónir punda og heldur það Villa innan ramma reglna um hagðan og sjálfbærni.