Tryggvi Hrafn Haraldsson byrjaði á varamannabekknum hjá ÍA í tapinu gegn Stjörnunni í gær.
Tryggvi er kominn með fimm mörk í 17 leikjum í Pepsi Max-deildinni í sumar. Hann er almennt talinn einn af lykilmönnum ÍA og óvænt var að sjá hann ekki í byrjunarliðinu.
Jóhannes Karl Guðjónsson, þjálfari ÍA, var spurður að því eftir leik hvers vegna Tryggvi byrjaði á bekknum.
„Ég stillti upp mínu besta liði sem ég taldi líklegt til að geta ógna Stjörnumönnum snemma í leiknum. Það var ástæðan," sagði Jóhannes Karl.
Tryggvi kom inn á sem varamaður þegar rúmar 20 mínútur voru eftir af venjulegum leiktíma.
Hér að neðan má sjá viðtalið við Jóa Kalla frá því í gær í heild sinni.
Athugasemdir