Ólafur Jóhannesson, þjálfari Vals var bæði svekktur og sáttur með stigið gegn Val fyrr í kvöld, en leikurinn var heldur betur kaflaskiptur og komust Valsarar í 2-0 forystu áður en Blikar ákváðu að taka þátt í þessum leik.
Leiknum lauk með stórskemmtilegu 3-3 jafntefli og skipta liðin því stigunum á milli sín, eftir leikinn sitja Blikar enn í 2. sæti deildarinnar og Valur situr enn í 6. sæti deildarinnar.
Leiknum lauk með stórskemmtilegu 3-3 jafntefli og skipta liðin því stigunum á milli sín, eftir leikinn sitja Blikar enn í 2. sæti deildarinnar og Valur situr enn í 6. sæti deildarinnar.
Lestu um leikinn: Breiðablik 3 - 3 Valur
Hvernig er tilfinningin eftir þennan leik?
„Hún er svona bæði góð og slæm, en það er ekkert slæmt að gera jafntefli við Breiðablik hérna í Kópavogi, þeir eru með hörku lið en við vorum komnir í góða forystu og ég tel dómarann hafa tekið af okkur vítaspyrnu í stöðunni 2-0 sem hefði klárað leikinn.''
Tölfræðin segir að þegar Sigurður Egill fer af velli tapa Valsarar niður forystu, hefur Óli eitthvað að segja um það?
„Þú getur búið til tölfræði um allan andskotann þannig ég veit ekkert um það.''
Er ekki svekkjandi fyrir Valsara að vinna ekki leikinn til að stimpla sig almennilega í evrópubaráttuna?
„Jújú það er eins og ég sagði, bæði svekktur og sáttur.''
Viðtalið í heild sinni má sjá í spilaranum hér að ofan en þar talar Óli meðal annars betur um leikinn og frammistöðuna, meiðsli Sigurðar Egils og Patricks Pedersen og framhaldið hjá Val.
Athugasemdir
