Þórður Þorsteinn Þórðarson var til viðtals eftir leik ÍA gegn ÍR í Mjólkurbikarnum á miðivkudag. Þórður var maður leiksins, skoraði eitt frábært mark og lagði upp eitt í 1-3 endurkomusigri.

Framundan hjá ÍA er endaspretturinn í deildinni. Í dag mætir liðið Fylki á heimavelli klukkan 14:00. Þórður var spurður út í næstu leiki.

Lestu um leikinn: ÍR 1 -  3 ÍA

Þórður var ekki í byrjunarliðinu í síðasta deildarleik og hefur ekki verið fastamaður í liði ÍA. Ertu að gera tilkall til að klára mótið í byrjunarliðinu?

„Gerir maður það ekki alltaf? Vill maður ekki alltaf spila? Mér fannst ég skila ágætis framlagi í dag svona á heildina á litið. Ég var ekki alveg nógu góður fyrstu fimmtán-tuttugu mínúturnar. Mér finnst ég hafa náð að hafa bæta upp fyrir það," sagði Þórður.

Kom þér á óvart að vera ekki búinn að spila meira að undanförnu? „Nei, nei, það eru margir góðir leikmenn í liðinu, þetta er mikil samkeppni í liðinu og þjálfararnir stjórna því hverjir spila. Ég vil alltaf spila, maður er aldrei sáttur að vera á bekknum eða fyrir utan hópinn."

Hvernig líst þér á endasprettinn í mótinu? „Bara mjög vel, það er stórleikur á sunnudaginn [í dag] klukkan tvö og ef við vinnum þann leik þá tel ég að við séum að gera stórt tilkall til að halda okkur í deildinni," sagði Þórður að lokum.

Hér að neðan má sjá viðtalið við Þórð í heild sem og viðtalið við Jóhannes Karl Guðjónsson, þjálfara ÍA.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit