Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 19. nóvember 2019 06:00
Ívan Guðjón Baldursson
ESPN: Eigendur PSG færast nær Leeds
Mynd: Getty Images
ESPN hefur eftir heimildarmönnum sínum að Qatar Sports Investments sé að færast nær því að ganga frá kaupum á Leeds United, sem hefur verið í toppbaráttu Championship deildarinnar undanfarin misseri.

Eigendur Leeds hafa verið í viðræðum við QSI stóran hluta ársins en það eru tveir aðrir fjárfestahópar sem hafa áhuga á að kaupa félagið af Ítalanum Andrea Radrizzani.

QSI hefur þó forystuna þar sem forseti fyrirtækisins, Nasser al-Khelaifi, er góður vinur Radrizzani og eiga þeir viðskiptasögu að baki.

Viðræður eru í fullum gangi og segir í frétt ESPN að samkomulag muni ekki nást á næstunni en á undanförnum dögum hefur verið stigið skref í rétta átt.

Ein af ástæðunum fyrir því að viðræðurnar ganga hægt fyrir sig er framtíð Bretlands vegna Brexit.
Athugasemdir
banner
banner
banner