Halldór Orri og félagar tóku stig í Víkinni.
Halldór Orri Björnsson, fyrirliði Stjörnunnar, var nokkuð sáttur eftir 2-2 jafntefli liðsins gegn Víkingi í Pepsi deildinni í kvöld.
Öll mörk leiksins komu í fyrri hálfleik en bæði lið fengu tækifæri til að stela sigrinum í blálokin en brást bogalistin.
Öll mörk leiksins komu í fyrri hálfleik en bæði lið fengu tækifæri til að stela sigrinum í blálokin en brást bogalistin.
Lestu um leikinn: Víkingur R. 2 - 2 Stjarnan
„Ég held við getum ekki verið annað en sáttir með að hafa fengið stig. Gunnar bjargaði okkur rosalega vel í lokin en við hefðum líka getað stolið þessu í lokin, tvö sláarskot á sömu sekúndunni," sagði Halldór Orri við Fótbolta.net.
„Við byrjuðum náttúrulega skelfilega. Ekki nóg með að við fáum mark á okkur eftir 20 sekúndur, þá gekk spilið mjög illa í byrjun. Það er samt karakter í okkur að koma til baka og jafna fyrir hálfleik. Þetta var frábært mark hjá Jeppe."
„Ég veit ekki hvernig ég á að lýsa seinni hálfleiknum, það gerðist eiginlega bara allt í lokin. Það hefði verið rosalega sætt að stela þessu. Það fara tveir af okkar mönnum upp í skallaboltann og ég held þeir hafi skallað hvor í annan og í slána og svo kemur einhver Víkingur og hreinsar aftur í slána. Það var ótrúlegt að fylgjast með þessu."
Viðtalið má sjá í heild sinni hér að ofan.
Athugasemdir
