Víkingur Reykjavík verður án Guðmundar Andra Tryggvasonar í fallbaráttuslag gegn Grindavík á sunnudagskvöld.
Sóknarmaðurinn hefur verið frábær í liði Víkinga undanfarnar vikur en hann hefur safnað fjórum áminningum í Pepsi Max-deildinni og þarf að taka út leikbann.
Sóknarmaðurinn hefur verið frábær í liði Víkinga undanfarnar vikur en hann hefur safnað fjórum áminningum í Pepsi Max-deildinni og þarf að taka út leikbann.
Hallur Flosason, leikmaður ÍA, er einnig kominn með fjögur gul spjöld og verður í banni þegar Skagamenn mæta ÍBV á laugardag. Hlynur Sævar Jónsson verður einnig í banni hjá ÍA í þeim leik.
Kennie Chopart, leikmaður KR, tekur út leikbann vegna uppsafnaðra áminninga þegar toppliðið mætir KA á sunnudag. Chopart fór meiddur af velli þegar KR vann Víking í gær.
Bjarni Ólafur Eiríksson tekur út leikbann vegna uppsafnaðra áminninga hjá Val þegar liðið leikur gegn Stjörnunni á mánudagskvöld en liðin berjast bæði um að ná Evrópusæti.
Morten Beck fékk rautt spjald í sigri FH gegn Fylki og tekur út leikbann í leik FH og Breiðabliks á sunnudag.
Inkasso-deildin
Á fundi aganefndar voru einnig nokkrir leikmenn í Inkasso-deildinni dæmdir í bann vegna uppsafnaðra áminninga en það er spennandi umferð framundan þar.
Bjarki Leósson verður í banni hjá Gróttu sem leikur gegn Fram á föstudag. Á sama tíma mætast Víkingur Ólafsvík og Fjölnir en heimamenn verða án Vignis Snæs Stefánssonar í þeim leik.
Þór tekur á móti Leikni í toppbaráttuslag á laugardaginn. Jónas Björgvin Sigurbergsson verður í banni hjá Þór en Ernir Bjarnason hjá Leikni.
Kristinn Þór Rósbergsson tekur út bann hjá Magna sem mætir Njarðvík í fallbaráttuslag á laugardag
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir