„Ótrúlega svekktur. Miðað við hvað við lögðum í þennan leik og hvernig þetta spilaðist þá er ég bara mjög svekktur að við skyldum ekki fá neitt útúr þessum leik,'' sagði Sveinn Þór Steingrímsson, þjálfari Magna eftir 0-1 tap gegn Leikni R. í Lengjudeild karla í dag.


Lestu um leikinn: Magni 0 -  1 Leiknir R.

„Ég gat ekki séð hvort liðið væri í toppbaráttu og hvort liðið væri að berjast á botninum. Mér fannst ekki það mikill munur á þessum liðum í dag, þess vegna er ég svona ógeðslega svekktur að fá ekki meira útúr þessu.''

Leiknir R. skora eina mark leiksins úr vítaspyrnu sem að Vuk Oskar Dimitrijevic fiskar. Sveinn var ósammála kollega sínum hjá Leikni um vítaspyrnudóminn og sagði hann rangan.

„Mér fannst það bara ekki vera víti. Það er bara þannig. En við erum lítið bæjarfélag úti á landi, staðan í deildinni er... já, ég meina mér fannst þetta svolítið svoleiðis,'' sagði svekktur Sveinn.

Magnamenn eru eldri en tvævetur í fallbaráttunni í næst efstu deild. Sveinn segir engan bilbug að finna á sínum mönnum.

„Við erum bara mjög brattir og bjartsýnir á þetta. Við þekkjum þessa stöðu alveg og miðað við hvað við erum að leggja í þennan leik að þá hef ég fulla trú á því að við eigum séns á að halda okkur uppi.''

Viðtalið má sjá í heild sinni í spilaranum hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit