Þróttur Vogum leikur í næst efstu deild á næstu leiktíð eftir að hafa staðið uppi sem sigurvegari í 2. deild í ár.
Sigurður Gísli Bond Snorrason betur þekktur sem Siggi Bond var til viðtals hjá Fótbolta.net eftir síðasta leik tímabilsins gegn KV á dögunum.
Þar var hann spurður út í standið á sér. Hvernig er svona staðan á þér? Þú hefur ekki verið að spila mikið.
„Nei, ég er búinn að vera meiddur í síðustu leikjum en ég er búinn að spila flesta leiki og stoðsendingahæstur þannig ég veit ekki hvað þú ert að tala um," sagði Siggi og brosti.
Hvernig er skrokkurinn?
„Hann er hræðilegur, ég er tognaður framan á læri, er búinn að spila síðustu þrjá leiki þannig en maður þarf að koma inná og gera eitthvað."
Athugasemdir