Andrew James Pew, betur þekktur sem Andy Pew, hefur verið ráðinn sem aðstoðarþjálfari Brynjars Gestssonar hjá Þrótti Vogum.
Andy hefur spilað með Þrótti síðustu tvö ár og var fyrirliði liðsins í sumar.
Hann býr yfir mikilli reynslu úr íslenska boltanum eftir að hafa spilað fyrir Selfoss í sjö ár.
Andy er 39 ára gamall varnarmaður og á vel yfir 200 leiki að baki hér á landi.
„Þróttur Vogum lýsir yfir mikilli ánægju með þjálfarateymið," segir í fréttatilkynningu Þróttar.
Þróttur fékk 30 stig í 2. deildinni í sumar og endaði í 5. sæti deildarinnar.
Athugasemdir