Íslenska landsliðskonan Sveindís Jane Jónsdóttir komst á blað í 6-0 stórsigri Wolfsburg á Nürnberg í þýska bikarnum i dag, en liðið er nú komið í 8-liða úrslit.
Sveindís var í byrjunarliði Wolfsburg í dag og lagði upp þriðja mark leiksins fyrir Ewu Pajor undir lok fyrri hálfleiks með laglegri sendingu og staðan 3-0 í hálfleik.
Wolfsburg var með öll völd á leiknum í síðari hálfleiknum og bætti við þremur til viðbótar en Sveindís gerði fimmta markið eftir hornspyrnu Lynn Wilms. Sveindís lék allan leikinn.
Þetta var þriðja mark Sveindísar á tímabilinu og er Wolfsburg nú komið áfram í 8-liða úrslit bikarsins.
Athugasemdir
