Michail Antonio í leik með landsliði Jamaíku.
Það er óttast að sóknarmaðurinn Michail Antonio hafi meiðst illa í landsleik með Jamaíku núna í landsleikjaglugganum.
Antonio er lykilmaður hjá lærisveinum Heimis Hallgrímssonar í Jamaíku en hann fór meiddur af velli í mikilvægum leik gegn Kanada á dögunum.
West Ham, félagslið Antonio, er sagt virkilega ósátt við það hvernig þessi meiðsli komu upp hjá sóknarmanninum. Það er talið að vallaraðstæður á Jamaíku hafi alls ekki verið góðar.
Samkvæmt Telegraph, þá er West Ham líka ósátt við það að Antonio hafi spilað í tíu mínútur til viðbótar eftir meiðslin.
Það er möguleiki á að tímabilið sé búið hjá Antonio en hann fer núna í frekari skoðanir hjá West Ham.
Athugasemdir
