Reynsluboltinn Gunnleifur Gunnleifsson er í íslenska landsliðshópnum sem mættur er til Danmerkur að undirbúa sig undir vináttuleiki gegn Dönum og Grikkjum.
Fjórir markverðir eru í hópnum og er Gunnleifur í baráttu við Ögmund Kristinsson og Ingvar Jónsson um að fara út ásamt Hannesi Þór Halldórssyni
Fjórir markverðir eru í hópnum og er Gunnleifur í baráttu við Ögmund Kristinsson og Ingvar Jónsson um að fara út ásamt Hannesi Þór Halldórssyni
„Ég hef alveg trú á minni getu. Tímabilið í fyrra var sennilega mitt besta og ég treysti mér alveg til að spila fyrir íslenska landsliðið. Ég vil bara komast á mínum forsendum. Þegar ég var á bekknum hjá Stjána Finnboga hjá KR fyrir tæpum 20 árum var maður með krosslagða fingur og vonaði að hann myndi klikka. Ég er ekki þannig í dag. Ég hjálpa strákunum eins og ég get," sagði Gunnleifur í viðtali í útvarpsþættinum Fótbolti.net.
Gunnleifur leikur með Breiðabliki og var valinn markvörður ársins í Pepsi-deildinni í fyrra en hann átti þá sitt besta tímabil á ferlinum.
„Það kom svakalegt búst með Arnari og Kristó þegar þeir tóku við. Ég lyftist með og þetta small saman. Varnarleikur liðsins í heild var mjög góður og það hjálpaði mikið til."
Viðtalið við Gunnleif má heyra í heild sinni í spilaranum hér að ofan en þar ræðir Gunnleifur meðal annars um komandi tímabil hjá Blikum og stöðu mála hjá Manchester City, hans liði í enska boltanum.
Athugasemdir
