Sverrir Ingi átti frábæran leik í hjarta varnarinnar gegn Skotum í 1-3 sigri Íslands á Hampden park á laugardag. Sverrir settist niður með Fótbolti.net í gær á hóteli liðsins í Belfast og ræddi stöðu landsliðsins, lífið hjá Panathinaikos, grískt brúðkaup í sumar og ýmislegt annað.
Sverrir kláraði ekki leikinn sökum meiðsla en segist vera á réttri leið og stefnir á að vera með gegn Norður-Írum á morgun. „Ég fæ slink á mjöðmina í fyrri hálfleik og stífna upp í seinni, eina rétta í stöðunni var að fara út af. Þetta leit ágætlega út á æfingu áðan og við metum stöðum á mrgun." segir Sverri sem var mjög ánægður með agaða frammistöðu og sigur liðsins gegn Skotum." segir Sverri í viðtali við Fótbolti.net
„Ef við ætlum að eiga möguleika á því að komast á HM í Bandaríkjunum þurfum við að eiga stóran og breiðan hóp." segir Sverrir um innkomu Harðar Björvins í vörnina sem og frammistöðu Elíasar Rafns í markinu.
En hvernig er þessi gluggi að nýtast landsliðinu í undirbúningnum fyrir alvöruna sem hefst í september með leikjum gegn Aserbaísjan og Frakklandi. „Klárlega framfarir frá því gegn Kosovo. Þetta er skrýtin tímasetning, menn á mismunandi stöðum með félagsliðum sínum. Ég er ekki búinn að spila t.d. í 3 vikur en deildirnar í Skandinavíu eru í fullum gangi. En við erum að nýta fundina, fara yfir hvað við gerðum vel og hvað ekki gegn Kosovo. Höfum ekki orku á þessum tímapúnkti í að halda hápressu, en þroskuð frammistaða að halda plani og klára og vinna leikinn örugglega. Þroski sem maður var ekki endilega að búast við hjá okkur eftir leikina gegn Kosovo".
En erum við að fara á HM í Bandaríkjunum næsta sumar? „Það er allt hægt, við getum unnið lið í styrkleikaflokknum sem Ukraína er í og viljum klárlega "challenga" Frakkana. Við höfum sýnt það að allt er hægt þegar við förum á góð run og fáum fólk með okkur. Við erum bara að einbílna á okkur sjálfa núna og reyna að taka þessi réttu skref núna og skilja hvað Arnar við frá okkur. Það er stefnan að vera á réttum stað þegar alvaran byrjar í haust".
Sverrir er ánægður hjá Panathinaikos í Grikklandi en liðið endaði 16 stigum á eftir erkifjendum sínum Olympiacos. „Við vorum ekki alveg tilbúnir að keppa við þá á þessum tímapúnkti. Fengum nýjan þjálfara í haust og teljum að við getum bætt í með nýjum mönnum sem eru að koma inn hjá okkur og unnið deildina næsta tímabil. Á sama tíma mikilvægt að hafa náð öðru sæti og þátttökurétt í undankeppni fyrir Meistaradeildina".
Framundan er brúðkaup hjá Sverri, smá frí en svo hefst strax undirbúningur fyrir undankeppni Meistaradeildarinnar. „Eftir þennann glugga er 13 daga frí sem ég ætla bara að eyða með fjölskyldunni. Svo ætla ég að gifta mig í sumar og einblína á það í lok júní. Síðan byrjar alvaran aftur".
„Það væri geggjað að geta tekið þátt í þessu öllu sama. Undankeppni Meistaradeilarinna og átt góða undankeppni með landsliðinu og leyft öllum að dreyma". segir Sverri að lokum og vonast eftir alvöru partýi í lok júní þegar hann mun ganga í það heilaga.
