Ronny Deila, Norðmaður sem þjálfaði eitt sinn skoska félagið Celtic, segir að Manchester City hafi ekki viljað kaupa miðvörðinn Virgil Van Dijk fyrir nokkrum árum.

Van Dijk er í dag besti miðvörður ensku úrvalsdeildarinnar, en hann leikur með Liverpool.

Hollendingurinn kom fyrst til Bretlandseyja árið 2013 þegar hann gekk í raðir Celtic. Hann spilaði tvö ár þar áður en hann fór í ensku úrvalsdeildina. Hann samdi við Southampton og var þar þangað til í janúar 2018, en þá borgaði Liverpool 75 milljónir punda fyrir hann.

Mörg félög sjá örugglega eftir því að hafa ekki keypt Van Dijk fyrir nokkrum árum og þar á meðal er væntanlega Manchester City.

„Ég sagði Manchester City að þeir þyrftu að taka hann. Þeir sögðu: 'Allt í lagi, segðu mér frá besta Evrópuleik sem hann hefur spilað og við horfum á hann'."

„Ég gat ekki svarað því vegna þess að hann hafði ekki spilað neinn sérstaklega góðan Evrópuleik. Hann bar af í Skotlandi, en va rekinn af velli í Evrópuleik gegn Inter. Ef hann hefði spilað frábærlega í þeim leik þá hefði hann verið keyptur frá okkur," segir Deila.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit