Sölvi Snær Guðbjargarson.
Sölvi Snær Guðbjargarson var utan leikmannahóps Breiðablik þegar liðið spilaði við Stjörnuna í Pepsi Max-deildinni í kvöld.
Breiðablik vann sannfærandi 4-0 sigur en hægt er að lesa um leikinn með því að smella hérna.
Breiðablik vann sannfærandi 4-0 sigur en hægt er að lesa um leikinn með því að smella hérna.
Breiðablik keypti hinn 19 ára gamla Sölva Snæ frá Stjörnunni á dögunum en samningur hans við Stjörnuna átti að renna út eftir núverandi tímabil.
Það var gert samkomulag á milli Blika og Stjörnunnar í kringum félagaskipti Sölva að hann myndi ekki spila gegn Stjörnunni í kvöld. Hjörvar Hafliðason, Dr Football, sagði frá því á Twitter í dag að Breiðablik hefði þurft að greiða nágrönnum sínum 1 milljón króna ef Sölvi hefði spilað leikinn.
Óskar Hrafn Þorvaldsson, þjálfari Blika, var spurður út í þetta eftir leikinn í kvöld.
„Það er í raun og veru ekki mitt að dæma um það. Þetta var hluti af því samkomulagi sem var gert á milli félaganna. Það var ekkert annað í stöðunni en að virða það," sagði Óskar en allt viðtalið má sjá hér að neðan.
Áhugaverður í kvöld UBK-Stja. Ef Sölvi Snær spilar þá þurfa Blikar að greiða Stjörnunni 1 milljón. Þannig að ég met líkurnar á að hann spili afar litlar. Þetta finnst mér ósanngjarnt gangvart Sölva sem er ekki á láni heldur orðinn leikmaður Blika. Ræðum í Doc í kvöld e. leiki. pic.twitter.com/Z5Og2IK1Wd
— Hjörvar Hafliðason (@hjorvarhaflida) May 21, 2021
Athugasemdir
