„Þetta er allt að koma," sagði Svandís Svavarsdóttir heilbrigðisráðherra eftir fund ríkisstjórnarinnar í morgun en ný reglugerð tekur gildi á þriðjudag.

Þá mega 300 áhorfendur vera í hverju sóttvarnahólfi, í stað 150 áður, á íþróttakappleikjum á Íslandi. Ljóst er að þessi breyting er stórt skref fyrir íslensk fótboltafélög.

Börn fædd árið 2015 og síðar teljast ekki með, samkvæmt reglugerð heilbrigðisráðherra.