Bjargvættur dagsins, Sif Atladóttir.
Það er óhætt að segja það að varnarmenn íslenska landsliðsins, þær Sif Atladóttir og Glódís Perla Viggósdóttir hafi komið Elvari Geir Magnússyni ritstjóra Fótbolta.net til bjargar á Tjarnarhæðinni í Hollandi í dag.
Þær stöllur voru ásamt Frey Alexanderssyni og Víði Reynissyni á leið á fréttamannafund landsliðsins fyrir utan leikvanginn sem leikur Íslands og Sviss fer fram á morgun.
Elvar Geir var nú búinn í viðtali við Kolbein Tuma Daðason hjá Vísi, þegar Víðir, öryggisstjóri hjá KSÍ gekk að Elvari og spurði hvort hann væri ekki alveg örugglega með fjölmiðlapassann sinn.
Í þann mund sem Elvar var að svara fyrir sig, kom Sif Atladóttir færandi hendi og rétti Elvari passann sinn sem hann hafði misst úr vasa sínum, á bílaplaninu rúmum hálftíma áður.
Hafliði Breiðfjörð, náði þessu skemmtilega atviki upp á myndskeið sem hægt er að sjá í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir
