Heimild: Vísir
Ingvar Jónsson átti stóran þátt í því að Víkingur vann Íslands- og bikarmeistaratitilinn á liðnu tímabili.
Pálmi Rafn Pálmason.
Eitt rosalegasta atvik Íslandsmótsins í sumar var þegar Ingvar Jónsson, markvörður Víkinga, varði vítaspyrnu frá Pálma Rafni Pálmasyni í uppbótartíma í 2-1 sigri gegn KR.
Sigurinn fór langleiðina með að koma Íslandsmeistaratitlinum til Víkinga.
Í hlaðvarpsþættinum Einn á einn segir Ingvar frá því að hann hafi verið búinn undir það að KR fengi víti í leiknum.
Hann hafi þó búist við því að Kjartan Henry Finnbogason tæki vítið en Kjartan fékk að líta rautt áður en vítið var tekið á Meistaravöllum.
Sigurinn fór langleiðina með að koma Íslandsmeistaratitlinum til Víkinga.
Í hlaðvarpsþættinum Einn á einn segir Ingvar frá því að hann hafi verið búinn undir það að KR fengi víti í leiknum.
Hann hafi þó búist við því að Kjartan Henry Finnbogason tæki vítið en Kjartan fékk að líta rautt áður en vítið var tekið á Meistaravöllum.
Pálmi tók vítið, Ingvar fór í rétt horn og átti þessa gríðarlega mikilvægu vörslu.
„Það vissu líklega allir sem fylgjast með fótbolta að hann er búinn að skjóta í þetta horn, búið að taka þetta fyrir í Pepsi Max Mörkunum og sýna þetta á korti þar," segir Ingvar í viðtali við Kristján Óla Sigurðsson.
„Ég hafði einhverja smá tilfinningu fyrir því að KR fengi víti í þessum leik. Svo í aðdragandanum, þetta var mikill hasar og það leið langur tími, þá labbaði ég upp að Pálma og tók svona utan um bringuna á honum og spurði hvort hann ætlaði að taka í sama hornið. Hann svaraði eiginlega engu og var bara eitthvað að hugsa."
„Ég man að ég var eiginlega búinn að ákveða að fara í hitt hornið því ég trúði því ekki að hann myndi virkilega skjóta í sama hornið. Svo rétt áður þá hugsaði ég að ég gæti aldrei fyrirgefið mér ef ég fer til vinstri og hann skýtur til hægri og við töpum titlinum á þessu," sagði Ingvar. Pálmi skaut í sama horn og venjulega og Ingvar varði.
Athugasemdir
