Napoli er búið að tilkynna opinberlega að æfingar félagsins muni fara aftur af stað næsta miðvikudag, þrátt fyrir beiðni leikmannasambandsins um að bíða til apríl.
Aurelio De Laurentiis, forseti Napoli, og Claudio Lotito, forseti Lazio, eru sagðir vera einu eigendur knattspyrnufélaga í Serie A sem vilja láta liðin sín byrja að æfa aftur fyrir 4. apríl, dagsetningu sem var gefin út af heilbrigðisyfirvöldum.
Andrea Agnelli, forseti Juventus, er sagður hafa tekið illa í þessa ákvörðun Napoli og heimtar að félögum verði stranglega bannað að snúa aftur til æfinga fyrir útgefna dagsetningu.
Ólíklegt er að Serie A fari aftur af stað fyrr en í maí í fyrsta lagi. Allt veltur á þróun og útbreiðslu kórónuveirunnar.
Athugasemdir
