Viktor Guðberg Hauksson hefur gengið til liðs við Reyni Sandgerði frá Grindavík á láni út tímabilið.
Frá þessu greina Sandgerðingar í kvöld.
Frá þessu greina Sandgerðingar í kvöld.
Viktor er 24 ára miðvörður og á að baki 138 meistaraflokksleiki og þar af 71 leik í Lengjudeildinni.
„Við bjóðum Viktor hjartanlega velkominn í Sandgerði og hlökkum til að sjá hann á vellinum í sumar;" segir í tilkynningu Reynismanna um félagaskiptin.
Viktor spilaði í fyrra 16 leiki í Lengjudeildinni en Grindvíkingar hafa bætt mörgum mönnum við sitt lið á undanförnum dögum.
Reynir komst upp úr 3. deildinni síðasta sumar og spilar því í 2. deild karla í ár.
Athugasemdir