Glódís var ósátt með dómara leiksins.
„Þetta er náttúrulega bara hundfúlt," sagði varnarjaxlinn Glódís Perla Viggósdóttir eftir 2-1 tap gegn Sviss á EM kvenna í dag.
„Við erum svekktar með þetta. Við reyndum að teygja okkur á eftir þessu eins og við gátum, en það gekk ekki í dag."
„Við erum svekktar með þetta. Við reyndum að teygja okkur á eftir þessu eins og við gátum, en það gekk ekki í dag."
Lestu um leikinn: Ísland 1 - 2 Sviss
„Ég veit ekki hvað vantaði upp á, kannski áherslumuninn."
Mörkin sem Ísland fékk á sig í leiknum voru klaufaleg.
„Við fáum mark í andlitið beint eftir að við skorum, einbeitingarleysi eftir innkast, sem við þurfum að gera betur í. Við getum ekki afsakað okkur á því, bara lélegt hjá okkur."
„Seinna markið er eftir fyrirgjöf líka, sem við töluðum um fyrir leik að við ætluðum að stoppa. Það er hundfúlt."
Glódís var ekki sátt með dómara leiksins, eins og svo margir aðrir.
„Við vorum í bakinu á þeim og það var dæmt á okkur í hvert skipti sem við klukkuðum þær. Þá er ótrúlega erfitt að spila þessa pressu sem við ætlum að spila og við getum voðalega lítið gert."
„Maður var farinn að öskra mikið á hana," segir Glódís um dómara leiksins, en hún var ekki vinsæl hjá landanum, hin rússneska Anastasia Pustovoitova. „Mér fannst hún ekki vera með neina línu í leiknum, sem er kannski það versta."
„Þessi leikur tapaðist samt ekki á dómgæslu."
Viðtalið má sjá í heild sinni hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir
