Landsliðsfyrirliðinn Aron Einar Gunnarsson skoraði beint úr aukaspyrnu þegar Al Arabi tapaði fyrir Al Sadd í úrvalsdeildinni í Katar í dag.
Lærisveinar Xavi í Al Sadd reyndust sterkari í leiknum og var staðan 2-0 í hálfleik. Spænski miðjumaðurinn Santi Cazorla skoraði annað mark Al Sadd.
Al Sadd komst í 3-0, en Aron Einar minnkaði muninn með marki beint úr aukaspyrnu.
Markið má sjá neðst í fréttinni.
Mark Arons kom þegar rúmlegar stundarfjórðungur var eftir af venjulegum leiktíma, en lærisveinar Heimis Hallgrímssonar komust ekki lengra. Leikurinn endaði með 4-1 sigri Al Sadd sem er á toppi deildarinnar með 16 stig. Al Arabi er í tíunda sæti með fimm stig eftir sex leiki.
🎥 video!@alarabi_club 1st goal by Aron Gunnarsson @alarabi_club 1-3 @AlsaddSC
— Qatar Stars League (@QSL_EN) November 22, 2020
Week 6 | #QNBstarsLeague pic.twitter.com/D9TOmobaMV
Athugasemdir