Randal Kolo Muani.
Franski sóknarmaðurinn Randal Kolo Muani er genginn í raðir Juventus frá Paris Saint-Germain.
Hann kemur á láni til Juventus út tímabilið en það var mikill áhugi á honum í þessum mánuði. Var hann meðal annars orðaður við Tottenham og Manchester United en Juventus vann baráttuna.
Hann kemur á láni til Juventus út tímabilið en það var mikill áhugi á honum í þessum mánuði. Var hann meðal annars orðaður við Tottenham og Manchester United en Juventus vann baráttuna.
Juventus gæti borgað allt að 5,5 milljónir evra í lánsfé en það fer eftir því hversu vel Kolo Muani stendur sig.
Það er enginn kaupmöguleiki í þessum lánssamningi.
Kolo Muani gekk í raðir PSG sumarið 2023 eftir að hafa heillað hjá Eintracht Frankfurt. Hann skrifaði þá undir fimm ára samning.
Hann hefur ekki staðist væntingar í frönsku höfuðborginni því hann skoraði bara ellefu mörk í 54 leikjum.
Hinn 26 ára gamli Kolo Muani hefur skorað tvisvar í frönsku úrvalsdeildinni á yfirstandandi tímabili en hann hefur að mestu verið notaður sem varamaður hjá PSG.
Juventus er taplaust í ítölsku úrvalsdeildinni á tímabilinu en liðið er samt sem áður bara í fimmta sæti.
Athugasemdir
