Búið að opinbera dómarahópinn á EM - Taylor og Oliver fulltrúar Englands

Átján dómarar munu starfa sem aðaldómarar á EM í Þýskalandi í sumar en UEFA hefur opinberað nöfn þeirra.

Fulltrúar Englands verða Anthony Taylor og Michael Oliver, það kemur ekki á óvart en þeir hafa verið fremstu dómarar Englendinga í mörg ár.

Besti dómari heims, Pólverjinn Szymon Marciniak, er að sjálfsögðu í hópnum en hann dæmdi úrslitaleikinn á HM síðast og síðasta úrslitaleik í Meistaradeild Evrópu. Ekki er ólíklegt að hann muni svo dæma úrslitaleik EM í sumar.