HK 3 - 0 Afturelding
1-0 Isabella Eva Aradóttir
2-0 Loma McNeese
3-0 Ísabel Rós Ragnarsdóttir

HK vann þægilegan þriggja marka sigur gegn Aftureldingu þar sem Isabella Eva Aradóttir fyrirliði skoraði fyrsta mark leiksins.

Loma McNeese og Ísabel Rós Ragnarsdóttir innsigluðu svo sigurinn til að koma HK-ingum upp á topp deildarinnar. HK deilir toppsætinu með ÍBV þar sem bæði lið eiga níu stig eftir fjórar fyrstu umferðirnar. Afturelding situr eftir án stiga.

---

Fylkir 1 - 2 Haukar
1-0 Birna Kristín Eiríksdóttir ('53 )
1-1 Berglind Þrastardóttir ('81 )
1-2 Rakel Lilja Hjaltadóttir ('83 )

Staðan var þá markalaus í leikhlé þegar Fylkir tók á móti Haukum í Árbænum, en Birna Kristín Eiríksdóttir tók forystuna í upphafi síðari hálfleiks.

Heimakonur héldu forystunni allt þar til á lokakaflanum þegar gestunum úr Hafnarfirði tókst að snúa leiknum við. Berglind Þrastardóttir og Rakel Lilja Hjaltadóttir skoruðu sitthvort markið með stuttu millibili og urðu lokatölur 1-2.

Bæði lið eiga 6 stig eftir viðureignina. Fylkir missti þar með af tækifæri til að jafna toppliðin tvö á stigum.

---

ÍA 1 - 1 Keflavík
1-0 Sunna Rún Sigurðardóttir ('48 )
1-1 Hilda Rún Hafsteinsdóttir ('74 )

Staðan var einnig markalaus í leikhlé á Akranesi þegar ÍA tók á móti Keflavík, en Sunna Rún Sigurðardóttir náði forystunni fyrir heimakonur í upphafi síðari hálfleiks.

Skagakonur héldu forystunni allt þar til Hilda Rún Hafsteinsdóttir jafnaði á 74. mínútu.

Meira var ekki skorað svo lokatölur urðu 1-1. ÍA og Keflavík eiga bæði fimm stig eftir jafnteflið.