Lokaumferð spænsku efstu deildarinnar fer fram um helgina og hefst fjörið í kvöld þegar Real Betis fær Valencia í heimsókn.
Sú viðureign er þýðingarlítil rétt eins og viðureign Real Madrid gegn Orra Steini Óskarssyni og félögum í Real Sociedad á laugardaginn, en eftir það ræðst fallbaráttan.
Leganés og Espanyol eru að berjast um að forðast síðasta fallsætið í La Liga og eiga þau bæði heimaleiki gegn föllnum botnliðum deildarinnar. Leganés mætir Real Valladolid á meðan Espanyol spilar við Las Palmas.
Leganés þarf sigur til að eiga möguleika á að bjarga sér frá falli á meðan Espanyol þarf sigur til að tryggja sæti sitt í deildinni. Espanyol nægir ekki jafntefli til að bjarga sér eftir tap í innbyrðisviðureign gegn Leganés.
Seinna á laugardag ræðst svo Evrópubaráttan með kvöldleikjunum þremur. Þar eru Osasuna, Celta Vigo og Rayo Vallecano að berjast um síðustu Evrópusætin.
Eitt lið kemst í Evrópudeildina og eitt í Sambandsdeildina en þriðja liðið missir af Evrópusæti. Celta er í bestu stöðunni sem stendur, með eins stigs forystu á hin tvö liðin sem eru jöfn á stigum. Celta þarf þó sigur á útivelli gegn Getafe til að tryggja sér Evrópudeildarsæti.
Endi Rayo Vallecano og Osasuna jöfn á stigum hefur Rayo vinninginn útaf betri árangri í innbyrðisviðureignum. Þá hefur Rayo einnig vinninginn í innbyrðisviðureignum gegn Celta Vigo, en ólíklegt er að þau endi jöfn á stigum.
Barcelona, Atlético Madrid og Athletic Bilbao mæta að lokum til leiks á sunnudaginn.
Föstudagur
19:00 Betis - Valencia
Laugardagur
14:15 Real Madrid - Real Sociedad
16:30 Leganes - Valladolid
16:30 Espanyol - Las Palmas
19:00 Alaves - Osasuna
19:00 Getafe - Celta
19:00 Vallecano - Mallorca
Sunnudagur
12:00 Girona - Atletico Madrid
14:15 Villarreal - Sevilla
19:00 Athletic Bilbao - Barcelona
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 38 | 28 | 4 | 6 | 102 | 39 | +63 | 88 |
| 2 | Real Madrid | 38 | 26 | 6 | 6 | 78 | 38 | +40 | 84 |
| 3 | Atletico Madrid | 38 | 22 | 10 | 6 | 68 | 30 | +38 | 76 |
| 4 | Athletic | 38 | 19 | 13 | 6 | 54 | 29 | +25 | 70 |
| 5 | Villarreal | 38 | 20 | 10 | 8 | 71 | 51 | +20 | 70 |
| 6 | Betis | 38 | 16 | 12 | 10 | 57 | 50 | +7 | 60 |
| 7 | Celta | 38 | 16 | 7 | 15 | 59 | 57 | +2 | 55 |
| 8 | Osasuna | 38 | 12 | 16 | 10 | 48 | 52 | -4 | 52 |
| 9 | Vallecano | 38 | 13 | 13 | 12 | 41 | 45 | -4 | 52 |
| 10 | Mallorca | 38 | 13 | 9 | 16 | 35 | 44 | -9 | 48 |
| 11 | Valencia | 38 | 11 | 13 | 14 | 44 | 54 | -10 | 46 |
| 12 | Real Sociedad | 38 | 13 | 7 | 18 | 35 | 46 | -11 | 46 |
| 13 | Alaves | 38 | 10 | 12 | 16 | 38 | 48 | -10 | 42 |
| 14 | Getafe | 38 | 11 | 9 | 18 | 34 | 39 | -5 | 42 |
| 15 | Espanyol | 38 | 11 | 9 | 18 | 40 | 51 | -11 | 42 |
| 16 | Sevilla | 38 | 10 | 11 | 17 | 42 | 55 | -13 | 41 |
| 17 | Girona | 38 | 11 | 8 | 19 | 44 | 60 | -16 | 41 |
| 18 | Leganes | 38 | 9 | 13 | 16 | 39 | 56 | -17 | 40 |
| 19 | Las Palmas | 38 | 8 | 8 | 22 | 40 | 61 | -21 | 32 |
| 20 | Valladolid | 38 | 4 | 4 | 30 | 26 | 90 | -64 | 16 |
Athugasemdir
