23.09.20 - 22:21
Ívan Guðjón Baldursson
Lengjudeild kvenna: Augnablik skoraði fimm gegn Gróttu
Mynd: Fótbolti.net - Hafliði Breiðfjörð
Mynd: Fótbolti.net - Eyjólfur Garðarsson
Mynd: Fótbolti.net - Hafliði Breiðfjörð
Þremur síðustu leikjum kvöldsins er lokið í Lengjudeild kvenna og er þar helst að frétta að Augnablik vann stórsigur á Gróttu á meðan Fjölni mistókst að ná í stig gegn Víkingi R. þrátt fyrir gullið tækifæri undir lokin.
Í Kópavogi var Grótta yfir í leikhlé eftir mark frá Eydísi Lilju Eysteinsdóttur. Augnablik var betri aðilinn og jafnaði loks í síðari hálfleik þegar Þórhildur Þórhallsdóttir skoraði með skalla eftir hornspyrnu.
Bæði lið komust nálægt því að skora næsta mark en það var Margrét Brynja Kristinsdóttir sem kom Augnablik yfir á 68. mínútu. Grótta fékk færi en nýtti ekki og skömmu síðar gerði Björk Bjarmadóttir næsta mark Augnabliks og staðan orðin 3-1.
Á lokakaflanum gerðu Kópavogsmær út um leikinn þegar Margrét Brynja og Björk bættu tveimur mörkum við og lokatölur 5-1. Augnablik fer yfir Gróttu með sigrinum og er í fimmta sæti.
Augnablik 5 - 1 Grótta
0-1 Eydís Lilja Eysteinsdóttir ('13)
1-1 Þórhildur Þórhallsdóttir ('50)
2-1 Margrét Brynja Kristinsdóttir ('68)
3-1 Björk Bjarmadóttir ('74)
4-1 Margrét Brynja Kristinsdóttir ('87)
5-1 Björk Bjarmadóttir ('89)
Dagný Rún Pétursdóttir gerði þá eina mark leiksins er Víkingur R. lagði Fjölni að velli.
Dagný Rún skoraði í fyrri hálfleik eftir góða fyrirgjöf frá Nadíu Atladóttur.
Á lokakaflanum fengu Fjölnisstúlkur, sem eru í bullandi fallbaráttu, vítaspyrnu en Hlín Heiðarsdóttir skaut í slánna og þaðan flaug knötturinn yfir markið.
Fjölni tókst ekki að jafna og er liðið fimm stigum frá öruggu sæti, með sjö stig eftir fimmtán umferðir.
Víkingur R. 1 - 0 Fjölnir
1-0 Dagný Rún Pétursdóttir ('22)
1-0 Hlín Heiðarsdóttir ('81, misnotað víti)
Að lokum hafði Afturelding betur gegn ÍA er liðin mættust á Akranesi. Alda Ólafsdóttir gerði fyrsta mark leiksins á 58. mínútu og tvöfaldaði Ragna Guðrún Guðmundsdóttir forystuna skömmu síðar.
Erla Karitas Jóhannesdóttir minnkaði muninn fyrir Skagastúlkur en það nægði ekki því Maeve Anne Burger innsiglaði sigur Mosfellinga á 86. mínútu.
Afturelding er í fjórða sæti eftir sigurinn en á ekki möguleika á að komast upp í Lengjudeildina. ÍA er fimm stigum frá fallsæti.
ÍA 1 - 3 Afturelding
0-1 Alda Ólafsdóttir ('58, víti)
0-2 Ragna Guðrún Guðmundsdóttir ('67)
1-2 Erla Karitas Jóhannesdóttir ('79)
1-3 Maeve Anne Burger ('86)
Það getur tekið tíma fyrir stöðutöfluna að uppfærast.
Bæði lið komust nálægt því að skora næsta mark en það var Margrét Brynja Kristinsdóttir sem kom Augnablik yfir á 68. mínútu. Grótta fékk færi en nýtti ekki og skömmu síðar gerði Björk Bjarmadóttir næsta mark Augnabliks og staðan orðin 3-1.
Á lokakaflanum gerðu Kópavogsmær út um leikinn þegar Margrét Brynja og Björk bættu tveimur mörkum við og lokatölur 5-1. Augnablik fer yfir Gróttu með sigrinum og er í fimmta sæti.
Augnablik 5 - 1 Grótta
0-1 Eydís Lilja Eysteinsdóttir ('13)
1-1 Þórhildur Þórhallsdóttir ('50)
2-1 Margrét Brynja Kristinsdóttir ('68)
3-1 Björk Bjarmadóttir ('74)
4-1 Margrét Brynja Kristinsdóttir ('87)
5-1 Björk Bjarmadóttir ('89)
Dagný Rún Pétursdóttir gerði þá eina mark leiksins er Víkingur R. lagði Fjölni að velli.
Dagný Rún skoraði í fyrri hálfleik eftir góða fyrirgjöf frá Nadíu Atladóttur.
Á lokakaflanum fengu Fjölnisstúlkur, sem eru í bullandi fallbaráttu, vítaspyrnu en Hlín Heiðarsdóttir skaut í slánna og þaðan flaug knötturinn yfir markið.
Fjölni tókst ekki að jafna og er liðið fimm stigum frá öruggu sæti, með sjö stig eftir fimmtán umferðir.
Víkingur R. 1 - 0 Fjölnir
1-0 Dagný Rún Pétursdóttir ('22)
1-0 Hlín Heiðarsdóttir ('81, misnotað víti)
Að lokum hafði Afturelding betur gegn ÍA er liðin mættust á Akranesi. Alda Ólafsdóttir gerði fyrsta mark leiksins á 58. mínútu og tvöfaldaði Ragna Guðrún Guðmundsdóttir forystuna skömmu síðar.
Erla Karitas Jóhannesdóttir minnkaði muninn fyrir Skagastúlkur en það nægði ekki því Maeve Anne Burger innsiglaði sigur Mosfellinga á 86. mínútu.
Afturelding er í fjórða sæti eftir sigurinn en á ekki möguleika á að komast upp í Lengjudeildina. ÍA er fimm stigum frá fallsæti.
ÍA 1 - 3 Afturelding
0-1 Alda Ólafsdóttir ('58, víti)
0-2 Ragna Guðrún Guðmundsdóttir ('67)
1-2 Erla Karitas Jóhannesdóttir ('79)
1-3 Maeve Anne Burger ('86)
Það getur tekið tíma fyrir stöðutöfluna að uppfærast.
Mynd: Fótbolti.net - Eyjólfur Garðarsson
