Nettavisen í Noregi segir frá því að norska stórliðið Rosenborg sé að færast nær því að kaupa Ísak Snæ Þorvaldsson frá Breiðabliki.
Ísak, sem er 21 árs gamall, hefur verið frábær í liði Breiðabliks í sumar og er hann búinn að skora 13 mörk í 19 leikjum í Bestu deildinni í sumar.
Það eru sjö umferðir eftir af norsku úrvalsdeildinni en Rosenborg er byrjað að plana fyrir næsta tímabil.
Samkvæmt Nettavisen þá er Rosenborg á lokastigum viðræðna við Breiðablik, það séu aðeins nokkur smáatriði sem þurfi að leysa.
Ólafur Kristjánsson, sem er yfirmaður fótboltamála hjá Breiðabliki, vildi ekki staðfesta að Breiðablik hefði samþykkt tilboð í Ísak í samtali við Fótbolta.net.
Rosenborg hefur lengi verið á eftir Ísak og staðfesti leikmaðurinn það sjálfur í samtali við Fótbolta.net að hann hefði rætt við félagið. Ef hann fer til Rosenborg þá verður hann annar Íslendingurinn hjá félaginu því þar er líka Kristall Máni Ingason.
Ísak er í U21 landsliðinu sem spilar við Tékkland í umspilinu fyrir undankeppni EM í kvöld.
Athugasemdir