Portúgalinn fékk langa sendingu frá Jonny Evans og smellhitti hann boltann á lofti og í netið.

United hafði tapað síðustu tveimur deildarleikjum fyrir þennan leik og segir Fernandes mikilvægast að hafa náð í öll stigin.

„Þetta var frábær sending frá Jonny [Evans]. Ég veit að hann er frábær í því að koma boltanum aftur fyrir varnirnar. Ég var að bíða eftir sendingunni og Burnley gefur pláss á bakvið, en það var erfitt á köflum og við nýttum tækifærið þegar það gafst.“

„Við vitum að þetta hefur verið erfiður kafli en við vissum líka að við gætum komið til baka. Frammistaðan var kannski ekki alveg sú besta, en við fengum þrjú stig sem er það mikilvægasta.“

„Við vissum að þetta yrði erfitt. Burnley spilar vel og ef ég á að vera hreinskilinn þá held ég að stigin endurspegli ekki hvað þetta er gott lið, en við erum ánægðir að taka sigurinn heim í dag,“ sagði Fernandes í lokin.