„Á Englandi voru menn lengi að bregðast við. Útgöngubannið hefði átt að koma fyrr," segir Zinchenko við úkraínska fjölmiðla.

„Ég á vinkonu hérna sem er með einkenni veirunnar en er sagt að mæta í vinnuna. Sem betur fer er allt í lagi með ættingja mína."

„Ég vil biðla til allra: Fylgið reglum og haldið ykkur heima."

Þessi 23 ára leikmaður segir að vel sé hugsað um leikmenn og starfslið hjá Manchester City.

„Læknirinn er í góðu sambandi við okkur. Þegar ég vaknaði voru skilaboð frá honum, hann spurði hvernig mér liði og hvernig vinir og fjölskylda hefðu það. Ég fæ matarsendingu sex daga vikunnar og líkamsræktartæki til að halda mér í standi," segir Zinchenko.