West Ham er að ganga frá Kostic
Mynd: Getty Images
Mynd: Getty Images
West Ham mun tilkynna kaup á Gianluca Scamacca frá Sassuolo á næstu dögum.
Hamrarnir borga 35 milljónir punda fyrir sóknarmanninn og munu svo ganga frá kaupum á Filip Kostic, vængbakverði Eintracht Frankfurt.
Juventus reyndi að kaupa Kostic fyrr í sumar en það gekk ekki upp og nú virðist hann vera á leið í enska boltann.
Kostic og félagar í Frankfurt slógu West Ham úr leik í undanúrslitum Evrópudeildarinnar í vor. Kostic er 29 ára gamall og á aðeins eitt ár eftir af samningnum við Frankfurt.
Fabrizio Romano segir að West Ham ætli sér að ljúka viðræðum við Frankfurt eftir helgi, eftir kaupin á Scamacca.
Kostic mun kosta um 10 til 15 milljónir punda.
