Freyr Alexandersson uppljóstraði um það í samtali við Vísi að hann hefði hafnað tækifæri á að gerast aðstoðarþjálfari Midtjylland í Danmörku fyrr á þessu ári.
Midtjylland er ríkjandi Danmerkurmeistari og leikur í Meistaradeildinni þar sem liðið er í riðli með Ajax, Atalanta og Liverpool. Mikael Neville Anderson er á mála hjá félaginu.
„Þetta var í byrjun árs. Ég fór þá í viðræður við þá [forráðamenn Midtjylland] og fannst þetta ofboðslega spennandi. Mjög áhugavert „project“. En á þeim tímapunkti vorum við að fara með landsliðinu í umspil í mars," sagði Freyr.
Umspilinu var á endanum frestað fram í október, en það gekk ekki upp að Freyr myndi vinna bæði fyrir Midtjylland og KSÍ. Hann þurfti að velja á milli og valdi landsliðið.
Freyr Alexandersson mun á næstunni ganga frá samningi við Al Arabi í Katar um að taka við sem aðstoðarþjálfari liðsins. Freyr stefnir á að gera samnig út tímabilið með möguleika á framlengingu um eitt ár. Heimir Hallgrímsson er aðalþjálfari liðsins.
Freyr hefur ekki útilokað það að starfa áfram í kringum landsliðið, en hann hefur verið aðstoðarlandsliðsþjálfari frá 2018 og var áður þjálfari kvennalandsliðsins.
Sjá einnig:
Freysi um landsliðið: Erfitt að segja að maður hafi ekki áhuga
Freysi: Tækifæri til að kynnast allt öðrum fótbolta
Athugasemdir