Leeds og Arsenal gerðu markalaust jafntefli á sunnudag en það vakti mesta athygli er Pepe skallaði Ezgjan Alioski á 51. mínútu og uppskar rautt spjald fyrir.

Leikmaðurinn ákvað að fara á samfélagsmiðla og biðjast afsökunar á framferði sínu.

„Ég brást liðsfélögum á mikilvægum tímapunkti í leiknum og það er engin afsökun fyrir hegðun minni. Mér þykir fyrir þessu og ég vil biðja stuðningsmennina, liðsfélagana, þjálfaraliðið og alla þá sem koma að félaginu afsökunar," sagði hann á Instagram.